ميزو فافل
المساهمات : 74
تاريخ التسجيل : 24/09/2008
 |  موضوع: الحب يتحول اعجاب  الخميس سبتمبر 25, 2008 3:58 pm | |
|  وعموما نكمل ...
ما الفرق بين الحب والاعجاب؟
الاعجاب انك تعجبك حاجه في اللي قدامك شخصيته تصرفاته
موقف منه وفي نفس الوقت تحسي بعيوبه وممكن تضايقك
اما لما تكوني عارفه عيوبه لكن متقبلاها ومش مضايقاكي
تبقي دي مرحله الحب . انا شايفه كده
والاعجاب ممكن يكون بين الاصحاب والزمايل عادي
كثيرون يقولون ان الاعجاب يتحول الي حب لكن هل تعتقدي ان الحب يمكن ان يتحول الي اعجاب؟
الاعجاب ممكن قوي يتحول لحب وممكن يفضل اعجاب ميزيدش
الحب يتحول اعجاب لا مش ممكن لان دي مرحله اقل منه
الحب ممكن يزيد انما يرجع خطوه لورا لاء
تعملي ايه لو لقيتي ان الحب بعد الزاواج قل عن قبله؟
هتبعدي عنه ولا هتحاربي علشان ترجعيه تاني زي ما كان واحسن ؟
ولو هتحاربي هتحاربي بايه وازاي؟
في رايي ان الحب مش بيقل ولا حاجه انما تغير ظروف الحياه هو اللي
بيحسسنا بكده يعني مفيش فضي زي الاول لخروجات وهموم الحياه ومشاكلها
بتشغل الناس . فبدل ما الزوجين حايفكرو في خروجه زي الخطوبه حايفكرو في
مصاريف المدارس مثلا
انا لو حسيت بكده حاعمل بكل الطرق اني ارجعه زي زمان
وهي دي بقي اهميه الرومانسيه
والادوات في حرب الرومانسيه بتكون بالحنان والتفهم
بعشوه رومانسيه علي ضوء الشموع
او حتي بخاطره شعر او ابسط حاجه كلمه
بحبك يا حبيبي
لو مكنش الحب دق على باب قلبك كنتي هتعيشي حياتك ازاي؟
وحيده مكتئبه معقده
واي بديل في الدنيا ممكن يعوضك عن الحب؟
ده ولا الدنيا بحالها بكل ما فيها
بعد ما جربته لقيت ان مفيش اجمل منه الحمد لله
لو حبيبك جه في يوم وقالك سوري يا حبي انا بطلت احبك او مشاعري قلت ليكي عن الاول كتييييييييير هتعملي ايه معاه ومع نفسك؟
انا مش مقتنعه ان ده ممكن يحصل
ولو حصل بين اتنين يبقي من الاول مكنش حب بجد
لو زعلانه من حبيبك تعملي ايه وتعامليه ازاي؟
قوليلنا في الحالتين حالة هو اللي مزعلك وحالة انك انتي اللي مزعلانه
لو هو اللي مزعلني حابقي متضايقه بس حاتكلم عادي واول مايقولي حقك عليه
حاسامحه علي طول
ولو انا اللي زعلته حاعتذر كتيييييييير وحاعيط . بس هو بيصالحني علي طول
لو طلبت من تكتبي خاطرة دلوقت حالا ادامنا لحبيبك هتقوليله فيها ايه (بشرط تكون وليدت اللحظة )
ممم وليدت اللحظه طيب .....
قالولي اكتبلك يا حبيبي ... ومش عارفه اقول ايه ...
لاني حاوصف ايه ولا ايه ....
لمسه ايديك ... ابتسامتك ... ولا ضحكه عينيك ...
رقتك معايا وكل حاجه فيك ...
اوصف حبك ليا ... ولا فرحه قلبك بيا ...
ازاي لما بتشوفني بتغرق في حضن عينيه..
ولا اوصف طيبه قلبك ... ضحكتك وكلمه بحبك ...
ولا سعادتي وانا جنبك ...
محتاره يا حبيبي اوصف ايه ...
وانت حبك عندي بالعالم واللي فيه ... | |
|
